ORANJESTAD (AAN): E tabata reina di carnaval pa Juliana School na 2020, y a bay competi pa e competencia di Reina Escolar.
Merecidamente Stacey Sevinger a gana tambe e competencia ey.
Como cu na Februari 2021 no tabatin Carnaval, esey nifica cu Stacey a keda cu e corona pa dos aña largo riba su cabez.
Y esaki ta exactamente loke cabezante Juffrouw Paula di Juliana School MAVO aki ta indicando cu su dede, na momento cu recientemente Stacey Sevinger a bay ricibi su diploma como cu el a finaliza exitosamente cu su examen di MAVO.
E aña aki, Juliana School a tene nan ceremonia di Diploma Uitreiking na un forma hopi cozy na cas di un docente. DIARIO ta felicita Stacey Sevinger y ta desee hopi exito den su continuo estudio.
