A captura 13 sospechoso y casi 2.900 kilo di droga confisca den accion di Zr.Ms. Groningen

ORANJESTAD (AAN):  Esaki ta e ultimo captura di Zr.Ms. Groningen, cua actualmente ta navegando den e zona di e Guardacosta di Caribe.

            E gran cargamento di droga a wordo intercepta pa e estacion durante 2 intercepcion den un dia. E cantidad total di contrabando incauta door di Guardacosta di Caribe a yega na casi 8.500 kilo.

            E prome captura a tuma lugar den oranan di marduga dia 10 di augustus. Zr.Ms Groningen a drenta den accion door di e instruccion di e Maritiem Operatie Centrum (MOC) di  Guardacosta di Caribe.

            Un boto sospechoso a wordo detenido door di e go-fast (FRISCs). E 5 sospechosonan a resulta di a benta den lama e droga ilegal, pero esaki por a wordo saca for di awa. Ta trata di casi 550 kilo di droga, di cua 100 kilo ta di marihuana y 450 kilo di cocaina. E sospechosonan a wordo poni abordo di  Zr.Ms Groningen.

            Mientras cu ainda e investigacion relaciona cu e prome detencion no a keda Zr.Ms Groningen a ricibi otro mensaje di MOC di Guardacosta  indicando e presencia di otro dos barco sospechoso den e zona. E dos sospechosonan a wordo detecta  pa Zr.Ms. Groningen. Nan tabata para un banda di otro y un a resulta di ta carga cu  con tons di combustibel.

            Ora cu e sospechosonan a descubri cu Zr.Ms. Groningen tabata acercando, nan a benta e pakinan den e otro boto y a purba di huy.

            Un biaha mas e FRISCs a inicia un persecucion, mientras tripulacion di Zr.Ms.Groningen a ocupa di e mercancia. Debido n e hecho cu e sospechosonan no a atende cu e senal di stop y e tironan di advertencia, e tripulacion di e FRISC a hay'e obliga di desactiva e motor fuera borda di e go-fast.

            Un total di 13 sospechoso a wordo transferi na Zr.Ms. Groningen. Nan a wordo entrega hunto cu 2.300 kilo di cocaina y 550 kilo di droga di e prome caso na Cuerpo Policial di Caribe na Bonaire, y nan ta bao investigacion. E droga a wordo destrui.