A bisti ‘meyanan loco’ pa Dia Mundial di Down Syndrome

ORANJESTAD (AAN): Dialuna a observa Dia Mundial di Down Syndrome, y ta importante pa pensa aki riba e tema di inclusion.

Na Aruba nos tin un comunidad grandi cu tin Sindrome di Down. Hopi biaha door di diagnostico, ta worde poni un label riba nan of nan ta worde huzga.

E dia di Sindrome di Down ta worde promovi mundialmente cu bistimento di meyanan di diferente color, ‘meyanan loco’.

Pa e motibo aki tambe, riba e dia importante aki di conscientisacion, Prome Minister hunto cu coleganan Minister Ursell Arends, Minister Endy Croes y Minister Dangui Oduber tambe a bisti meyanan di diferente color, meya loco, pa mustra sosten na e conscientisacion mundial.