30 meter di archivonan acumula durante existencia di SAC a wordo entrega na Archivo Nacional

Como aporte na e campaña 3-TRECE

ORANJESTAD (AAN):  Como aporte na e campaña 3-TRECE y riba dia Internacional di Archivo, sra. Tecla Kelly-Hernandez di Stichting Arubaanse Carnaval (SAC), a entrega  documentacion valioso na Archivo Nacional Aruba.

Ta trata aki di archivo nan di SAC cu ta data di aña 1955 te cu 2014 y ta representa 30 meter di archivo acumula durante e existencia di SAC.  E archivo valioso aki lo wordo inventarisa y poni na disposicion di publico. 

Archivo Nacional Aruba y Minister di Finansa y Cultura, Xiomara Maduro, ta gradici SAC pa e contribucion valioso aki cu ta encera un parti grandi di e historia di Aruba su carnaval. 

Minister Xiomara Maduro ta invita tur hende cu por tin material historico pa entrega esaki na Archivo Nacional Aruba durante siman di 8’or pa 11.45 di mainta y di 1.30 di merdia pa 4’or di atardi na Archivo Nacional Aruba pa haci entrega di materialnan historico manera documento, potret, material audiovisual y digital. Asina ta contribui na campaña di 3C-TRECE y Colecta-Conoce-Conserva nos historia.