Zuleyka Willems a bira e presidente nobo di Aruba Softball Bond

ORANJESTAD (AAN)- Diamars anochi na Centro Deportivo Betico Croes, Aruba Softball Bond

a tene reunion cu su miembronan, caminda a pasa riba e campeonato cu a wordo hunga ultimo, cu tabata na 2019. Door di e pandemia e deporte di softball mester a para. Y asina diamars anochi a eligi un directiva nobo, y alavez participa cu pronto lo start cu campeonato 2022.

 Como presidente nobo a keda eligi Srta. Zuleyka Willems mientras e demas miembronan di directiva a bira Sr. Andresito Krozendijk, Sr. Pierre Croes entre nan. Y miembronan presente a felicita e directiva nobo y a duna nan e miho consehonan pa e realisacion di e plannan pa futuro. ASB tin un tarea duro pa lanta e softball organisa bek y pone riba pia, pero tin hopi animo pa esaki.

 Por ultimo Srta. Willems a gradici e presidente saliente, esta Sr. Endy Croes pa tur e añanan cu ela fungi como president y a priminti di sigui cu su bon trabou nan.