Muay Thai Kickboxing Aruba cu reconocimiento pa atleta Sergio Tromp

ORANJESTAD (AAN)- Na Assia Restaurant a tuma lugar entrega di reconocimiento di atleta di aña Sergio Tromp cu a gana e titulo di campeon di Aruba den Muay Thai categoria te cu 17 aña.

 Presente tabata entre otro Vice Presidente di Comite Olimpico internacional Nicole Hoevertsz kende a haci entrega di e premio, como tambe Sr. Franca di  ASU, representantenan di Muay Thai Kickboxing Aruba, invitadonan y coleganan atleta.

Sergio a sa di demostra durante dos aña 2019 y 2020 su desempeño na e deprote di Muay Thai, en especial den 2020 na unda nos a confronta cu hopi limitacion a causa di Covid 19. Pero a pesar di e limitacionnan a ki, Sergio a sa di continua cu su training y algun pelea den exterior, na unda el a hiba Aruba su nomber na halto.