Zahyon Klaber y Clifford Rasmijn a yega Aruba for di Miami cu nan premionan

ORANJESTAD (AAN):  Dialuna atardi Zahyon Klaber y Clifford Rasmijn a yega Aruba bek cu un sonrisa di alegria cu nan premionan.

            Clifford Rasmijn coach di Brazil Taekwondo Stichting ta bek den pantaya cu e titulo di Sub Campeon di Florida State den nomber di Zahyon Klaber. 

            AAU a reconoce Clifford Rasmijn pa su logro y a otorga Clifford Rasmijn un bunita plakkaat. E reconocimento aki a pone cu Clifford Rasmijn a bin cu plannan grandi pa e team di "Train Hard Fight Smart".

            Clifford Rasmijn tin trabou pa haci y ta hopi contento con pueblo di Aruba ta apoya e team cu a representa Aruba na Miami ariba e brug di Renaissance.

            E siman aki y otro siman nos ta bay tey pa colecta pa nos proximo campeonato Internacional cu un team mas grandi.

            Zahyon Klaber no a keda mucho contento cu su Silver, Zahyon Klaber tabata kier Oro pa asina corona su mes manera e titulo cu Zahyon Klaber ta carga na Hulanda cu ta dos biaha consecutivo campeon di Hulanda den su categoria.

            Zahyon Klaber ta bay prepara mas duro pa asina bin bek cu Oro den e proximo evento internacional.