ORANJESTAD (AAN)- E siman a sera sumamente positivo pa ekipo di Britannia. Diabierna ultimo, Britannia a enfrenta ekipo di Riverplate y a gana 4 - 1.
Na minuut 11' Shair ta manda un pase largo pa Pieter. Pieter ta core full na liña y di forma aki ta asisti y duna un pase na Moises. Asinaki Moises ta marca e prome gol pa Britannia pero tambe su prome gol den e campeonato aki.
Na minuut 24' Juel ta haci un bunita pase pa Moises y esaki ta yega cara cara cu e portero di Riverplate. Moises ta manda e bala pa gol pero e portero ta duna un rebote y esaki ta kai net bon pa Miguel score e di dos gol pa Britannia.
Miguel ta wordo asisti na minuut 64' door di Ethan. Miguel ta drenta area y keda cara cara cu e portero pero ta vence e portero y anota e di tres gol di Britannia.
Na minuut 90+3' Jonathan ta ricibi e bala for di Juel cu ta core bay liña. Jonathan ta haci un pase largo pa Juel cual ta vence e defensa den velocidad y ta drenta area pa asina score e gol final di e wega aki.
Wega ta finalisa cu 2 carchi geel pa ekipo di Britannia. Siguiente wega ta tuma lugar Diasabra 29 di April cuminsando 8:30 di anochi na Compleho Deportivo Frans Figaroa. E anochi aki e pumanan di Piedra Plat lo enfrenta e dragonnan di Noord.
