Yoyo’s Power a bira campeon di Copa Aruba 2025 di Softball

ORANJESTAD (AAN): E team di softball Yoyo’s Power a keda ku e campeonato di Copa Aruba 2025, un torneo cu a tuma luga na Kudawecha Ball Park pa mas di dos luna.

   E victoria pa e titulo tabata di 9 carera contra 2 riba Redkins, basa riba un combinashon di velocidad y poder den e ofensiva, y un actuacion grandioso di Elkis Chinchilla, kende a wordo escogi como e miho pitcher di e torneo.

   Cu esaki, Yoyo’s Power ta mustra na Aruba tur e forsa cu el a bin demostra, cu ta ponenan como un di e miho equiponan di softball den e liga di e isla caribense.

   Cu un constelacion di hungado mayormente venezolano, e equipo a demostra union y hermandad, caracteristica cu ta haci nan un famia... e famia Yoyo’s.

   “E hombernan aki a duna tur riba e tereno, y tur esaki ta danki na e training nan duro cu nos a tene durante varios siman pa logra esaki. Nos ta kere cu tur cos ta posibel ora tur hende ta traha pa un solo mision. E meta ta logra,” ta loke Yuri Bracho a declara, kende ta fundado di Yoyo’s Power.

   “Nos ta cla pa cuminsa Diabierna  24 di October cu e Copa Navideño, cu a scapa di nos man aña pasa,” ta loke Jose ‘Pipino’ Lugo a comenta, kende ta un di e hungado di e equipo di poder.

   Cu un grupo di fanatico hopi anima cu a sigui nan den bon tempo y mal tempo, Yoyo’s Power ta gana riba e tereno, pero for di e tribuna nan a sinti e empuhe enorme cu a duna nan animo pa sigui haci cos bon y trece alegria pa e fanaticonan.