Yoyo’s Kick Damas a bautiza nan uniform

ORANJESTAD (AAN) – Riba veld di Tanki Leendert e team di Yoyo’s Kick Damas a bautiza nan uniform pa asina participa den e weganan di kickball.

Yuri Bracho di Yoyo Kick damas a bisa cu e ta sumamente contento cu e tin hopi entusiasmo atrobe pa e weganan di kickball cu ta solamente pa hende muher. Ya caba tin 5 pa 6 team na Aruba y nan ta hunga riba vel di Montaña.

Sr. Endy Croes y su casa Dilailai tabata madrina y padrino di bautizo y nan a bisa di ta sumamente contento di ta parti di e bunita occasion y cu nan ta elogia e iniciativa pa stimula mas damanan pa e deporte aki.