Yoshmar Wever y Miguel Genser a ricibi certificado di Taekwondo

ORANJESTAD (AAN): Presidente di Aruba Taekwondo Federation ARTBO, recien a entrega certificado di coach na Master Yoshmar Wever y Master Miguel Genser di Chaco Taekwondo Academy.

   Mirando cu Cuba Open ta dilanti porta, mester tin e coach licence pa por coach e atletanan den un campeonato internacional oficial di World Taekwondo.

   Chaco Taekwondo Academy ta situa na Scol Basico Kudawecha y ta conta cu trainernan certifica, manera Master Yoshmar Wever y Master Miguel Genser pa guia nan atletanan den eventonan Nacional y Internacional.

   Master Melvin Rasmijn tin e grado mas halto den Chaco Taekwondo Academy y ta contento cu e logro di Master Miguel Genser y Master Yoshmar Wever. Chaco Taekwondo Academy ta e unico scol na Aruba cu tin mas Master ta train y Coach certifica pa guia e atletanan. Chaco Taekwondo Academy a sali Best Team cuater biaha y ta preparando pa Cuba Open y Best of the Best Truescore 2023 Aruba.