ORANJESTAD (AAN): Manera ta conoci, for di Diadomingo 22 di September te cu Diadomingo 29 di September,
ta tumando lugar na Aruba e di 20th Annual World Domino Championship, bao auspicio di The International Domino Federation (IDF).
Un total di 400 participante internacional lo ta na Aruba pa e campeonato mundial aki. Segun e schedule, Dialuna 23 di September lo tin un International Referee’s Course na Centro Deportivo Betico Croes. Diamars dia 24 di September lo tin mainta un Children Workshop & Tournament na Renaissance Convention Center. Merdia lo tin un Domino Trainer Course na Centro Deportivo Betico Croes.
Diaranson mainta lo tin Congreso di President IDF na Hyatt Place. Merdia lo tun curso di Referee Internacional na Hyatt Place tambe.
Diahuebs 26 di September pa 9:45 am lo tin Apertura di e Campeonato di Domino, na Renaissance Convention Center. Despues pa 10:30 am lo cuminza cu competencianan di Domino na mesun lugar, y lo termina pa 7:00 pm.
Diabierna mainta pa 10:00 am lo cuminza atrobe cu competencianan di Domino cu ta sigui den Renaissance Convention Center, y ta finalisa pa 7:00 pm. Diasabra 28 di September lo cuminza pa 10:00 am cu competencianan te cu 5:00 pm. Pa 4:00 pm lo pone e Mesa Final pa Campeonato.
