ORANJESTAD (AAN): E weekend aki tin dos dia di competencia cabay y jinete & amazona.
Awe Diasabra lo tin competencia di cabay cuminsando pa 6:00 pm na Villa Floralina.
Segun Organizacion Caballista Arubano, Diadomingo pa 5:00 pm ta ranca sali cu competencia di Jinete & Amazona di edad di 6 aña bay ariba cu categoria di principiante y regular. E juez pa Feria Equino lo ta Dr. Fernando Nieto di Colombia, Director Tecnico lo ta Sr. Juan Zuleta, Juez Nacional di Aruba.
E siguiente competencia lo ta Interpaso, e feria mas grandi di aña, caminda nos amigonan caballista di Curacao ta preparando nan viahe pa por participa otro luna. Entrada ta gratis y lo tin bar & cushina bon surti.
