Weganan di Semi-Final 50 Plus di Fedeveta ya a cuminza

ORANJESTAD (AAN): Diasabra pasa na stadion di Nacional a tuma lugar e 2 semi-finalnan  Cayente di Fedeveta 2023 den e categoria 50 Plus.

   Por bisa cu e teamnan a bin pa gana y por lo tantopublico por a gosa di un futbol unda caravel su tactica di defende y purba score cu fastbreak contra e “totaalvoetbal” di Roma. Tiro riba golanan a cai pero Roma su punteria tabata mas skerpi y a logra pasa final cu un score di 4 pa 2.

   Referee Rambo Flanegin y su assitentenan Gustavo y Ive Samoejdjan a tene bon control di e wega.

   E di 2 partido a entre Riverplate cu nacional a bay manera tur espectativa, hopi duro y e referee a demonstra hopi pasenshi.

   Den e wega di Hooiberg y Arusur nos por a wak un wega cu tur 2 team a hunga cu un systema similar, mester bisa cu e defensa y bolantenan di hooiberg a crea hopi opprotunidadnan pero e golanan no por a cai. Arusur cu sorpresa nacional den Semifinal no a hunga e mesun wega y nan defensa a wanta e Partido den man pero atakenan di Hooiberg a cuminsa pusha mas y mas y asina hooiber a logra score e unico gol den e Partido.

   Referee Luis Zambrano y su assitantan Ernst Mohamed y e incansabel Ive Samoedjan a wanta e wega cu tur hende por a wak futbol.

   Asina e Final aki lo ta team di Roma vs. Hooiberg Vets, cu lo bay ta un wega cu fanaticonan lo por goza di dje despues cu pa 3er lugar AruSur lo bataya contra di Caravel!

   Diasabra awor na tereno di RCA Fedeveta ta continua cu e Semi Finalnan entre Nacional vs. Riverplate, cu lo ta un wega super pero super cayente ya cu Nacional tin un cuenta pa regla pa e wega venci pa Riverplate den 35 plus.

Bini un bini tur paso lo tin bar, cushina musica u un futbol di Calidad hopi halto!  Weganan ta programa pa 7:00 pm pa Nacional vs. Riverplate, y pa 8:30 pm entre Dakota vs. Teachers.