ORANJESTAD (AAN): Manera cu DIARIO a trece dilanti caba recien, e wega di Mens Erger Je Niet Live pa e campeonato di 2024 tin participacion di 64 grupo local.
Diasabra awor 20 di April, pa 7:30 pm, tur 64 grupo lo bay participa na apertura, y lo ta cla cu nan desfile. E temporada di gaña rabia y bira contento, nervio, emocion, tension, decepcion y suerte a yega.
Participantenan ta ser pidi pa acudi na e desfile cu algo cu ta “identifica bo grupo”.
E prome cuater grupo, Pasa Raspa Get Fit, PV 2 Good 4, Jolly Jokers y The Beef People. Mmester bin na e color cu nan ta hunga dia 20 di April. E otro 60 grupo por bisti cualquier uniform of costum cu boso ta desea.
Ta bay tin un premio pa e grupo cu mas buya y e grupo mas grandi. E desfile ta cuminsa parti panort di Centro di Bario Brazil (veld di Brazil Blue Hawks) y ta bin paden ta Jump Up na bo smaak. Bishitantenan por para nan auto riba e veld di Brazil Hawks Baseball Org., cu luz full rond pa controla. danki na Booshi.
E prome 4 grupo cu lo hunga despues di e desfile ta: Pasa Raspa Get Fit, PV 2 Good 4, Jolly Jokers y The Beef People. Wak pa bo ta na tempo pa bo NO keda afo.
DIARIO a compronde cu en general, e weganan lo ta tur Diabierna y Diasabra durante 3 luna di e campeonato.
