Torneo di Cricket na Aruba
ORANJESTAD (AAN): Manera ta conoci, ya caba weganan di e torneo di Cricket na Aruba ta andando.
Diadomingo cu a pasa, e team Oranjestad Tradewinds a enfrenta San Nicolas Knight Riders. Na final, e partido a wordo gana door di Oranjestad Tradewinds.
Durante e wega, e bateador cu mas careda anota pa Knight Riders tabata Kenray Jonas cu 33, Roopram Dindyal cu 28, y Ravi Manichand cu 20.
Den pitcher pa Knight Riders tabata Dyal Hansraj cu 2 wicket y a permiti 19 careda, tambe Asif Mohamed cu 1 Wicket y a permiti 14 careda, y Roopram DinDyal cu 1 wicket y a permiti 21 careda.
Pa e team ganador di Oranjestad Tradewinds, e bateador cu mas careda anota tabata Sunny Tara cu 39,
Kayan Contractor cu 28, y Eion Singh cu 14 Careda.
E pitcher nan pa Tradewinds tabata Kayan Contractor cu 4 wicket y a permiti 22 careda, Kevin Valechia cu 2 wicket y a permiti 2 careda, y Rabindra Nauth cu 2 wicket y a permiti 2 careda.
San Nicolas Knight Riders a score 118 careda den 18.3 overs, y Oranjestad Tradewinds a gana esaki den 15,3 overs.
Weganan ta continua Diadomingo awor na veld di Brazil pa 12.30 pm y e wega aki lo bay ta Oranjestad Tradewinds contra San Nicolas Trustees.
