ORANJESTAD (AAN) Señora Mildred Wever, Coordinador di Weganan Escolar na IBiSA,
den conferencia di prensa tambe a referi na e tema di registracion, pa loke ta trata e Aquathlon cu lo tuma lugar Diasabra 29 di November aki.
“E mainta ey bo ta yega, bo ta registra, bo ta haya bo Bib-number eynan mes, pa nos ta sigur cu lo tin suficiente main power e mainta aki. Esey ta e parti cu nos ta spera cu e aña bay miho cu manera a bay e ultimo añanan”, Wever a señala.
El a reitera cu dia 26 di November ta e ultimo dia pa registra y haci cambio. Riba e dia di competencia nos no lo haci ningun cambio. “Esey kiermen, ora bo ta consisti di relevo sea bo ta core of bo ta landa, si bo ta core y bo landado no a yega (of viceversa), lamentablemente bo no por participa. Cu esey mi kier ta hopi duidelijk pasobra e ta hopi fastioso pa organiza, ya cu tur cos ta parti caba. Cada parti tin un horario di yega, pues tene na cuenta ki ora bo mester yega”, señora Wever a señala.
El a señala cu nan ta cuminza cu e grandinan. Esaki ta categoria 3, 4 y heaters. Nan ta cuminza trempan, nan mester tey pa 6’or pa registra, nan carera ta cuminza 7’or y asina e secuencia ta sigui bay. Pa esaki scol ta haya tur cos y tambe lo wordo publica riba e facebook page di IBiSA.
