Wanda Broeksema y Nicole Hoevertsz nombra den comisionnan di PanamSports

Aruba den organizacion continental na nivel di Maneho Deportivo

ORANJESTAD (AAN):  Miembronan di directiva di Comite Olimpico Arubano (COA) no ta solamente trata maneho deportivo na nivel di Aruba, pero si no tambe na nivel continental y mundial, unda ta representa COA den diferente reunion, asamblea y participa activamente den diferente comisionnan importante pa cu e movimento Olimpico.

   Den e caso di comisionnan di PanamSports, por mira cu Nicole Hoevertsz a keda como presidente di e comision di “Safe Sports”, ademas di ta miembro di e comision di Ethic and Good Governance.

   Adicionalmente, por mira cu Presidente di COA Wanda Broeksema ta miembro di e comision “Lima 2027 Pan American Games Coordination and Follow Up Commission”. Como miembronan di e comisionnan aki, no ta solamente aporta na e exito di e trabounan cu e comisionnan ta haci, si no tambe siña hopi sobre e contenido pa asina despues por bin cu e informacion y experiencia aki pa Aruba.

   DIARIO ta felicita tanto Wanda y Nicole, y ta sigur cu nan lo desplega un bon papel cu e funcionnan aki.