Seleccion Nacional di Aruba ta prepara pa Eliminatorio di FIFA World Cup 2026

ORANJESTAD (AAN): E Seleccion Nacional di Futbol di Aruba ta actualmente na Barbados,

entrenando duro pa su partido importante contra e team anfitrion, Barbados, den e Eliminatorio di FIFA World Cup 2026 di CONCACAF.

  E wega lo tuma luga na Wildey Turf na Barbados dia Diarason, 4 di Juni pa 5:00 PM (ora local di Aruba). Den e ultimo tres wega entre Aruba y Barbados, Barbados a gana tur tres. E ultimo wega tabata den 2015, caminda Barbados a gana cu 2-0.

  E wega aki ta di gran importancia pa Aruba, pues un victoria ta fundamental pa keda den e competencia di Group C y pa mantene e speranza pa pasa pa e siguiente ronda.

  Despues di e wega na Barbados, e team lo bolbe Aruba pa enfrenta Haiti Diasabra, 7 di Juni pa 5:00 PM na Compleho Deportivo Guillermo Prospero Trinidad.

  Carchi pa entrada ta disponibel na Oficina di AVB durante ora di oficina. Nan ta recomenda tur fanatico pa cumpra nan entrada trempan, pa no perde e ultimo wega di Aruba na cas pa 2025.