Un saludo cordial na tur lectornan di SPEEDWORLD, cu bo sirbidor Hubert ‘Furai’ Tiel.

   Den oranan di atardi a tuma lugar entiero di e conocido Rosendo Rosel, conoci como ‘Chen’. 

Pa e mundo di motorsport na Aruba, e ta un persona masha hopi respeta, hopi keri, y e ta ademas un bon tata, bon casa, bon amigo, y bon ruman.  E ta un ‘persona di tur hende’.

   Acto di Entiero a tuma lugar na Kapel Huan Pablo II na Tanki Leendert.  Por  a mira presencia di tur miembro di Aruba Muscle Car Club cu a haci acto di presencia.  Ta un tiki lamentable cu net esnan di autonan di Dragrace y tambe di Motorcycle, di cual Chen Rosel a forma parti pa hopi aña, no a bin tuma despedida.  Toch a mira e Super B cu ta e Corvette di Frits cu tabata unico auto di drag presente.

   Sigur un perdida doloroso, y di parti SPEEDWORLD ta desea e famia hopi forza den e momento dificil aki.