Un biaha mas Taekwondo Team Aruba a obtene Copa TK5 na Suriname

ORANJESTAD (AAN): Tabata Diabierna anochi cu e delegacion di atletanan di Taekwondo Team Aruba

a sali rumbo pa Suriname pa participa den e di diez competencia di TK5 na e pais Sur Americano.

   E bon noticia ta cu Taekwondo Team Aruba su team di TK5 a gana e di 10 TK5 na Surinam. Esaki ta e 10 biaha consecutivo cu Aruba ta gana e copa di TK5 na Surinam.

  Dialuna mainta trempan e delegacion a regresa for di Suriname cu caranan contento y feliz di a duna un bon prestacion pa bin cu e copa aki pa Aruba.  Sigur un pabien grandi na tur esnan di Taekwondo Team Aruba cu esaki.