Torneo Himno y Bandera di Bolas Criollas cu participacion record

ORANJESTAD (AAN): Inscripcion pa Torneo Himno y Bandera di Bolas Criollas na Papaya Ranch a será cu un record di participación di 65 ekipo.

            Tin un total di 52 ekipo den categoría adulto y 13 ekipo den categoría di mucha. Tin 28 ekipo di caballeros, 24 ekipo di damas, 6 ekipo di hubenil y 7 ekipo di infantil. Lo tin bataya fuerte sigur!

            Torneo Himno y Bandera di Bolas Criollas lo tuma lugar diadomingo 17 y dialuna 18 maart 2024 na Papaya Ranch.

            Papaya Ranch ta avisa tur ekipo pa train e siman venidero y pa pasa paga inscripcion y busca schedule dialuna 11 maart 2024 di 7:00pm pa 9:00pm na Papaya Ranch.