Papaya Ranch cu Bolas Criollas lo rindi honor na Perucho Gonçalves

Conocido Perucho di Caribbean Store...

ORANJESTAD (AAN): E fin di siman venidero, Papaya Ranch ta organiza su Torneo Himno y Bandera di Bolas Criollas.  Nan a splica DIARIO cu nan lo bay tin un participacion di 65 ekipo total. Cu gran aprecio Papaya Ranch ta rindi honor na sr. Pedro Gonçalves mihor conoci como Perucho, arimador di ekipo Los Compadres y doño di su negoshi Caribbean Store. Pa Perucho su gran dedicacion y amor pa bolas criollas pa mas di 20 aña, Papaya Ranch ta dedica e torneo aki na su persona.

   Diadomingo 17 maart 2024 pa 9:45’or di mainta lo tin comienso di Torneo Himno y Bandera di bolas criollas na Papaya Ranch unda sr. Perucho lo saca prome bola. Despues weganan di infantil, hubenil, damas y caballeros lo sigui durante dia te cu 8:00’or di anochi.

   Diadomingo 18 maart 2024 pa 10:00 mainta lo tin canto di Himno y hisamento di Bandera pa despues ekiponan sigui batalla pa asina atardi tin e gran final pa haya resultado di Campeon, Sub-Campeon, 3er y 4to lugar den cada categoria. Tambe lo tin premio pa Mihor Boche y Mihor Arime den cada categoria.

   Pa culmina e torneo lo tin ambiente musical di Shine Music Aruba desde 5:00 atardi, bin baila y goza!

   Papaya Ranch ta invita henter pueblo di Aruba pa bin duna honor y aprecio na sr. Perucho. Tambe bin apoya nos ekiponan di bolas criollas y pasa dia cu famia y disfruta di un bar bon surti y cushina crioyo crioyo. Ban hunto celebra nos Dia Nacional y engrandece bolas criollas y deporte di Aruba en general.