Torneo anual ‘Alex Nieuwmeyer Memorial Annual Golf Tournament’ tabata exitoso

ORANJESTAD (AAN): Divi Impact Foundation a orguyosamente organia e ‘Alex Nieuwmeyer Memorial Annual Golf Tournament’ Diasabra na Divi Links.

E evento popular anual aki, den su segundo edicion, tabata completamente sold-out den presencia di amigonan, coleganan y conocirnan di defunto Managing Director di Divi. E hungadonan tabatin un oportunidad pa gana e premio "Hole in One," un Nissan X Trail.

   E fondonan recauda di e torneo a worde duna na dos organizacion cu merece di esaki enormemente, cual ta Ban Uni Man Pa Cria Nos Muchanan y Animal Welfare Alliance Aruba. Ambos organizacion ta comprometi den haci un impacto positivo den comunidad. Ban Uni Man Pa Cria Nos Muchanan ta enfoca den brinda desayuno diario na muchanan den necesidad, mientras cu Animal Welfare Alliance Aruba tin un clinica local specialisa den neutralisa cacho cu pushi, esnan cu of sin doño, promoviendo tambe responsabilidad den tin mascota y control di su populacion.

   Jessica Nieuwmeyer, e yiu muhe di defunto Alex Nieuwmeyer, hunto cu su yiunan a yuda presenta e donacionnan haci, na Windows On Aruba na final di un dia memorabel pa tur participante presente.

   Tocante Divi Impact Foundation: Divi Impact Foundation ta un organizashon non-profit dedica na crea cambio positivo den comunidad di Aruba. Por medio di diferente iniciativa y evento, e fundacion ta trata di sostene proyectonan cu ta trata problemanan social importante, y ta mehora bida di hende cu ta den necesidad. E Torneo di Golf Anual Memorial di Sr. Alex Nieuwmeyer ta un di e eventonan organiza pa e fundacion pa recauda fondo na causanan cu merece y tambe haci un impacto duradero.

Den e imagennan, miembronan di Junta di Impacto, Maria, Janel, Pearl y Marrit.