Colegio Arubano a titula Campeon den Volleyball-C Damas

Titulo den Weganan Escolar 2023

ORANJESTAD (AAN): Diaranson atardi, den un encuentro interesante a tuma luga final di Volleyball C Mucha Muhe na Compleho Deportivo Frans Figaroa. Na prome luga a keda Colegio Arubano, sub campeon a sali Colegio San Augustin, na tercer luga Colegio Santa Filomena y na di cuater luga La Salle College.

   Minister Endy Croes ta desea tur scol cu ta participando den e competencia di Weganan Escolar 2023 hopi exito. Alavez ta invita henter Pueblo di Aruba pa bin duna sosten na nos mucha- y hobennan den diferente disciplina durante e dianan binidero.

   Alavez Minister Endy Croes ta invita pueblo di Aruba pa e clausura di Weganan Escolar 2023 cu ta tuma lugar Diabierna dia 9 di juni cuminsando pa 5:30 pm na Joe Laveist Sport Park na San Nicolas. Tambe, pa e competencia di Baile Deportivo y Cultural cu ta tuma luga di 10 di juni pa 5:00 PM na Aruba Entertainment Center na Dakota.