Torneo amistoso di Ping Pong entre Aruba y Corsou

Resultado di e weganan

ORANJESTAD (AAN): Den fin di siman cu a pasa, a tuma lugar na Club Estrella e torneo amistoso entre e ekiponan di Corsou y Aruba, riba e mesanan blauw di Table Tennis.

   Plakkaat di reconocemento a keda entrega na Jean Hoek, pa su meritonan como ex-President di ATTA.  Otro plakkaat di reconocemento a keda entrega na Mario Lobo, kende pa 32 biaha a sali Campeon Nacional di Aruba.

   Despues di sake di prome bala, e torneo a start Diabierna anochi cu e voor-rondes di Singles Open.

   Diasabra mainta a sigui cu Individual 60 Plus, y anochi cu Categoria di Teams. E resultadonan ta como lo siguiente.

   Den Categoria Individual 70 Plus, a sali campeon Wing Chow Leong di Aruba, sigui pa Jacinto Zimmerman (Corsou na di dos lugar, y Lucien Albert (Corsou) na di tres lugar.

  Den Categoria di 60 Plus, Franklin Lopes (Aruba) a sali campeon, sigui pa Wing Chow Leong na di segundo lugar.  Na tercer lugar a sali Jame Letren (Aruba), y Lucien Albert (Corsouw).

   Den Categoria Maximo di Singles, Josie Boekhoudt (Aruba) a derota Dimitri Leon (Corsou) cu score 3-0 den halve finale, y Mario Lobo a derota Juan Carlos Sanchez (Corsou) tambe cu score di 3-0.  Den un finale bon bataya, Mario a logra di gana Jose cu score 3-0 pa asina titula campeon di Singles Open.

   Den Categoria Teams, e ekipo di Corsou a logra sali campeon, derotando esun di Aruba 3-2.  Pa Corsou a hunga Dimitri Leon y Juan Carlos Sanchez.  E team di Aruba tabata consisti di Mario Lobo y Zhao Xie.

   Comision di Ping Pong t agradici tur e persona- y instancianna cu a haci e encuentro aki posibel.  Nan ta e.o. Franklin Lopes, James Letren, Sherman Hose, Raymond Lesire, Ovandi Hirshfeld, famia Marcotulli Laila y Fabio, Zhao Xie, Mario Sportshop, Thodé Airco & Electrical, DAL Pestcontrol, y Sams Electronics.