ORANJESTAD (AAN): Brazil Taekwondo Stichting a organiza Caribbean Gardenscapes Taekwondo Cup Diasabra ultimo den Centro di Bario Brazil.
Zahyon y Jourde Klaber a entrega Grand Master Marilu de Veer un plakkaat y regalo un chikito pa reconoce su añanan den Taekwondo representando Aruba den varios evento Internacional y tabata Counsil Member di World Taekwondo.
Grand Master Marilu de Veer tabata un di e miho refereenan den su tempo prome cu el a dicidi di tuma un otro encargo den Taekwondo na Mundo. Zahyon y Jourde Klaber tabata alumno di Grand Master Marilu de Veer y despues nan a bira atleta di Brazil Taekwondo Stichting.
Grand Master Marilu de Veer a gradici Brazil Taekwondo Stichting pa e reconocimento y a desea tur hende un bon dia di combate.
