Torneo 4x4 di Aruba Soccer Academy tabata exitoso

ORANJESTAD (AAN): Un palabra di pabien na organisador y coachnan Aruba Soccer Academy pa e exitoso Torneo 4x4 teni den fin di siman!

   Algun rato pasa e academia di futbol ASA a culmina e tan anticipa 4x4 tournament cu mas di 45 hungador den e categoria U-7 te cu U-13  Tur team tabata hopi entusiasma, y competencia tabata un exito total.

   Esaki a bira un di e tantisimo evento di futbol mas, cu ASA ta trece pa sigui engrandece futbol na Aruba.

   DIARIO a compronde cu ASA lo sigi  hasi e torneo nan aki, cu ta yuda motiva, y ta atrae tur e club- y academia nan di futbol na Aruba.   Mester menciona cu e futbol tabata di nivel hopi halto y casi tur mucha  por a hunga mas di 5 wega.

   Desde Curaçao tambe a bin tournament  y logra MVP! Pabien Aruba Soccer Academy!  Resultadona ta como lo siguiente: 

Categoria U-9:

Ganador: Future Stars.

2ndo Lugar: RCA Lions U9. 

Categoria U-11:

Ganador: Flash.

2ndo Lugar: Miami Squad. 

Categoria U-13:

Ganador: The Ghost Players.

2ndo Lugar: Destroyers. 

MVP:

Den U-9 e MVP Player a bira Martin Blanco.  E Top Scorer tabata Jaydrien Werleman.

Den U-11 e MVP Player a bira Ricky Henriquez.  E Top Scorer a bira JeanPaul Kelly.

Den U-13 e MVP Player a bira Keiyi Torres.  E Top Scorer a bira Daniel.

   Masha Pabien na tur ganador di bunita Trofeonan!   Tur participante a ricibi nan medaya tambe.

   ASA kier a informa cu otro siman dia 14 Augustus e "temporada nobo di training" ta cuminza pa tur mucha y hoben amante di futbol. Amateur of profesional cu ta desea sinja, mehora, of reforza skills, ta duna les den grupo of priva.