Taekwondo Team Aruba a participa na un scrimmage na Florida

ORANJESTAD (AAN): Taekwondo Team Aruba ta focus hopi ariba e preparacion di e atletanan y nan crecemento den Taekwondo.

Pa e motibo aki, nan ta participa na training y campeonatonan den exterior pa asina nan subi nan nivel mas y mas.

   Na Florida dos scol di Taekwondo y e atletanan di Taekwondo Team Aruba a bataya y no tabata facil, pero e atletanan di Taekwondo Team Aruba a logra nan meta. Nan a bin back Aruba cu 9 medaya di e 9 atletanan cu a representa Aruba na e scrimmage. 

   Na tur parti di Mundo ta inverti miyones den nan categoria infantil y cadet pa crea un base solido pa ora nan bira junior y senior nan ta na e nivel Mundial.

   Taekwondo Team Aruba ta enfoca hopi ariba e team cu tin actualmente y training aki na Aruba ta un compromiso.

   Master Yoshmar Wever y Master Clifford Rasmijn ta enfoca masha hopi ariba e desaroyo di tur e atletanan. TK5 ta dilanti porta y Aruba tin cu defende su titulo.