Un wega hopi tenso!
ORANJESTAD (AAN): Diasabra anochi den Compleho Deportivo Frans Figaroa, a tuma lugar un wega candeloso di futbol entre SV Britannia y e team di SV Estrella.
E wega a cuminza pa 8:30’or di anochi, y e wega a bira uno cu tabata hopi ‘rough’ mes. Varios observador a considera e wega como uno bastante bruto. Esey ta di compronde como cu cada team kier bay dilanti. Algun hende a hasta expresa cu ta parce cu Referee a perde tur control durante e wega.
Con bruto e wega tabata? Durante esaki un futbolista di SV Estrella a keda cu un pia fractura, y esey ta mustrabo e esencia di e aura di e wega. Publico tabatin deseo pa e referee tabata mas proactivo pa evita cu e situacion a escala di e forma aki.
Finalmente e wega a keda cu score di 4-3 pa team di SV Britannia. Cu e victoria aki, e team di Piedra Plat a bay ocupa e prome lugar y asina a clasifica pa Playoff.
