Asina a despedi di Kip Hassell na pista di Palo Marga

ORANJESTAD (AAN): Diamars a tuma lugar den oranan di mainta, momento di condolencia pa famia,

amigo y conocirnan di Kevin ‘Kip’ Hassell, e coredor y preparador legendario di motorcycle di Aruba.  Semper e tabata orguyoso di su organizacion ‘The Fly Racing’.  Despues di esey a sigui cremacion.

    Kip tabatin hopi amigo cu semper ta depende di dje pa asina perfecciona nan motorcycle.  Y su habilidad di supla e bike tambe tabata fenomenal.  Ora cu e mester di recauda fondo, e ta organiza bendemento di cuminda na su cas na Lago Heights, y ta monton di coredor di motorcycle ta yega pa duna un man.

   E ta uno cu semper a sa di sostene y bringa pa motociclistanan wordo reconoci den e mundo di deporte di motor.  Awor cu su fayecimento, lo bay haya falta sigur di mire core cu agilidad y precision riba pista di Palo Marga.

   Pa e motibo ey, atardi un grupo grandi bikers a yega hunto e pista di International Raceway Park Palo Marga, pa aki pasa cu e shinishi di Kip pa ultimo biaha riba pista y finalmente a reuni iba pleintje Jan, caminda e brommer nan por a hssi un poco fever rond di un e autonan di Kip y caminda e yiu homber y e yiu muher a tene e Urna riba dak di e auto.

   Cu Kip sosega na paz den reino di Dios.