ORANJESTAD (AAN): Diasabra awor 13 di Mei, un grupo di "trabuco" lo ta den TT Billiards ya for di 2’or di atardi.
Esaki ta un grupo di biljarista local cu ta preparando pa e grandioso torneo Internacional dedica na e legendario Richard Wolff.
Dutch Caribbean 10-ball ta un fuerte bataya entre hungadornan di Curaçao, Bonaire y Aruba cu ta competi pa e prestigioso titulo, dianan 18 pa 21 di mei proximo.
Pero diasabra awo lo ta candela ora cu Richard Wolff, Jorzihno Everon, Jorge Petrocci, Ryan Rampersaud, Gunnar Leonardo, Aaron Franken, Ransley Tromp, Ditto Acosta, Gino Geerman, Arie Jansen, Elvis Evertsz, Fredley Tromp, Maikel Maduro, Patrick Henriquez,, Roukos Tannoury, Puma Kock, Noe Camara, Juan Ridderstap, Manuel Monsalve, Rodenn Antioquia, Alberto de L'isle, Robby Nathu, Ingemar Briesen, Rafa Garcia, Jesus Gomez, y Buchi Briesen cuminza hunga.
Yega na e unico palacio di billiard y disfruta di bon weganan di billiard.
