Team di Aruba a logra di dos lugar den torneo na Corsou

Koninkrijks Toernooi

ORANJESTAD (AAN): Den fin di siman, e team di futbol di hobennan di Aruba a regresa nan isla, despues di a participa y obtene e di Segundo Lugar, den e torneo yama ‘Koninkrijks Toernooi’, cu a ser teni na Corsou.  E ta un torneo organiza hunto cu Fundacion Rise Above Barriers na e isla.

   Aruba su balente hobennan futbolista, a representa nan isla cu un team fuerte, y e.o. a logra gana e seleccion di Hulanda cu score di 3-0.

   Den siguiente weganan, den Finals, e team di Aruba a empata 1-1 cu Corsou.  Pero Corsou na final a logra gana cu penalty.

   Aruba pues a keda cu frenta na laira na di dos lugar, y a yega bek Aruba orguyoso cu nan trofeo y medayanan ricibi, cu ta demostra nan berdadero dedicacion y bon prestacion na e torneo.

   Palabranan di pabien na tur e hobennan aki cu ta dedica na deporte sano y hisa  e bandera  di Aruba den exterior!