Taekwondo Team Aruba a gana TK5 na Curaçao

ORANJESTAD (AAN): Den fin di siman Taekwondo Team Aruba a participa den e TK5 na Curaçao unda cu Aruba, Curaçao y Surinam a participa cu atletanan entre 9 pa 11 aña.

   Aruba a habri e evento contra di Surinam. E prome rond di 5 minuut unda cu cada 5 atleta ta bringa 1 minuut.

   Surinam a cuminsa bon contra Aruba den e prome rond y Surinam tabata ganando cu un score di 47 pa 35 contra di Aruba.

   Aruba a subi veld back den e di dos rond y e atletanan a cuminsa pone Surinam bou presion y e score a termina na 66 pa 73 pa Aruba. Den e di 3 rond Aruba a bolter e scoring board completo y Aruba a gana Surinam cu un score di 115 pa 75.

   Den Final Aruba a topa cu Curaçao y Aruba a bataya contra di Curaçao pa gana. Aruba a gana cu un score di 48 pa 3 contra di Curaçao y asina a logra gana e Copa di TK5 na Curaçao.