SV BRITANNIA a tene un anochi di aprecio pa su sponsornan

ORANJESTAD (AAN): Durante un encuentro hopi ameno SV BRITANNIA a tene un anochi di aprecio pa su sponsornan.

A gradici e sponsornan pa nan coperacion ricibi durante e aña cu a pasa y alaves a presenta un resumen di campeonato 2023-2024.

SV BRITANNIA sigur por mira back na un aña super exitoso caminda varios copa a bin cas.

E resultadonan tawata como lo siguiente:

• U5: Campeon Copa Buchi Panama y Campeon Copa Savaneta
• U7: Sub Campeon Xavier University
• U9 oro: 4 lugar
• U11 oro: 3 lugar
• U13 oro: Sub Campeon
• U13 plata: Campeon
• U15: Campeon
• U17: Campeon
• U20: Sub Campeon
• Damas Open: Campeon
• Division Honor: Campeon
• 35+: 3 lugar

Durante e anochi tambe a presenta e directiva nobo pa 2024-2028 cu a keda eligi durante e reunion general dia 9 d July 2024.

E directiva ta consisti di e siguiente personanan: Cedric Werleman, Presidente; Anthony Jansen, Vice Presidente; Reynaldo Geerman, Secretario General; Jonina Lacle, Vice Secretario; Lisi Werleman-Pâris, Tesorero; Comisario: Queency van Haaften, Lisa Montero, Cindy Jansen, Reina Geerman.

SV BRITANNIA ta gradici tur su sponsornan, fanaticada y pueblo di Aruba en general pa e apoyo ricibi durante e campeonato cu a pasa y ta yen di animo pa cuminsa cu campeonato 2024-2025.