Super kids tri series exitoso cu e Triathlon.

ORANJESTAD (AAN) - Diasabra 20 mei, mainta tempran e chikitin y hobennan entre 6 pa 17 aña a

presenta cu yen di animo na Rodgers Beach pa asina competi y duna bataya den e

di tres evento di e Super Kids Tri-Series cual tabata Triathlon. Esaki ta e di tres

evento di e Super Kids Tri-Series cu Stichting Sportsz 4 U a organisa den cuadro di

nan di 10 aniversario.

Cu hopi entusiasmo e muchanan a pone den practica tur loke nan a siña den e

serie aki y diasabra esaki a culmina cu e triathlon. Cu hopi gritamento y aplauso,

mayornan, wela y welo, rumannan a anima e muchanan. Locual a resalta ta ora e

chikito nan ta casi give up, esnan un tiki mas grandi tawata core hunto cu nan pa

apoya nan yega y cruza e finish line. Te hasta mayornan tawata core na banda cu

nan yiu, anime pa e sigi y apoye pa e sprint e ultimo 100m. Tawata hopi bunita di

wak e muchanan hasi nan esfuerzo y pone tur loke nan a siña den practica. Fuera

di a siña practica Aquathlon, Duathlon y Triathlon e muchanan a siña tambe

sportsmanship, no give up! Maske bo cansa, sigi y crusa e meta final. Sigur un

mainta hopi exitoso, y esaki lo no ta e ultimo. Ja preparacionnan a cuminsa pa otro

aña lo tey atrobe cu e di dos edicion di Super Kids Tri-Series.

Tin di e muchanan aki lo bai mira competi diasabra venidero na Linear park

den e competencia di Aruba Triathlon Association su Kids of Steel .

E team ta manda un danki na tur sponsor, voluntarionan y tur persona cu di un of otro manera a duna

un man y yuda pa cu e evento aki tawata uno exito. Y un danki special na tur

mayor cu a inscribi nan yui pa participa na e eventonan.