Speedworld, cu boso amigo Hubert "The Furai" Tiel, awe ta presenta algun noticia di motorsport.
Ta asina cu den e fin di siman cu ta tras di lomba, a tuma lugar e tan nombra, caredanan di Drag Racing na Florida, specificamente riba e pista di Orlando Speedway. Esaki ta keda riba East Colonial Drive.
Den e competenica aki na Orlando, Aruba a wordo representa pa 3 auto di careda, entre nan e Corolla 1.8 di Vick Werleman, e Celica di Family connection y e Toyota 1000 pickup di Vernima Angela.
Tur tres vehiculo a hala hopi atencion di e publico grandi cu tabata presente y sigur un di e vehiculonan cu a hala hopi atencion di media, tabata e Pickup di Vernima, cu porcierto a hasi su debut ariba e pista aki.
Pa loke ta trata e Gillrick Racing Celica, esaki a pasa un rato den problema ora e parachute a faya, no por a stop na tempo y na final di pista a bay termina den e sandtrap, kibrando asina e front di e auto. E potretnan ey pa cortesia di Nitroxx Aruba.
Un otro informacion cu Speedworld ta trece awe, ta e auto nobo di Big Chief racing, kende a presenta su Pontiac Firebird di e conovido Nino Daña. Un auto cu na prome instante tabata di Gati Marine, despues a pasa pa Dennis Arends, despues el a bira Johannes di Lin Angela y awo ta den Nino.
Hopi trabou a wordo realisa den e ultimo 3 aña ariba e auto aki y awo, nos ta mira un hoja di auto di Drag.
Por ultimo Speedworld ta presenta un auto di remote controle di nos amigo Glenn Franken, kenda a presenta un replica di loke tabata un auto hopi famoso na Aruba, cu tabata e auto di Mechanic Language. Pabien na tur y corda ariba nos lema, laga coremento duro pa ariba pista y ariba caya ta core basila.
https://diario.aw/categories/noticia/deporte/speedworld-6#sigProId70d3d695c9
