SPEEDWORLD

SpeedWorld cu bo amigo Hubert ‘Furai’ Tiel, y lagami bisa boso cu mi a goza un mundo di mira autonan remote-control

ta tene careda pero riba tereno offroad!  Formidable y un gran entretenimento.  Inigualable ta e habilidad di drivernan cu nan joystick den man.

   E caredanan aki di Diadomingo a worde teni na e pista di off-road di Aruba Radio Control Raceway Park situa na Barcadera.  E tabata nan prome careda, como cu na varios biaha a cancela nan programa debi na protocolnan severo pa mitiga brote di Coronavirus na Aruba.

   Caredanan a start sali pa 2:30 pm y a termina pa 6:00 pm en punto. Caredanan a bay un tras di otro y e publico presente a goza di e speed, sonido y e jumpsnan cu sigur a duna tur hende adrenalina.

   E acogida tabata asina grandi, pasobra SpeedWorld a haya informacion di organizador Alvin Thijsen cu nota cu nan a ricibi un total di 17 participante.

   E classenan cu a worde cori ta como lo siguiente:

• 1/8 Electric Buggy cu 10 participante den cual e campeon Frans Ponson modelo di auto Arrma Typhon. Subcampeon ta Albert Lake cu e modelo di auto Mugen MBX8 Team Edition.
• 1/8 Nitro Buggy cu 7 participante den cual e campeon a bira Marcel Zievinger modelo di auto Serpent Cobra 811. Subcampeon a bira Elton Maduro cu modelo di auto Serpent Cobra 811.
• 1/8 Open Truggy cu 4 participante den cual e campeon a bira Albert Lake modelo di auto Mugen MBX8 Truggy Eco (Electric). E subcampeon ta Kevin Ponson modelo di auto Arrma Kraton (Electric).
• Hoonigan race (Open Class) cu 10 participante den cual e campeon a bira Papito Morel modelo di auto Arrma Typhon.

   Alvin Thijsen di Aruba Radio Control Group a splica cu e track ta habri tur día pa training, mayoria coredor ta train ariba diadomingo atardi for di 4:00 pm te cu

bahada di solo.  E grupo ta core riba asfalt tambe, y tin permiso pa haci esey tur Diadomingo di 12:00 pm te cu 3:00 pm na e parkinglot di DOW.

   SpeedWorld a nota cu e ta un hobby/ deporte cu a lanta cabez back y e ta pa grandi y chiquito.