ORANJESTAD (AAN): Aruba perde un di e portero nan alavez deportista a hunga Softball entre otro pa UPA na 1966 a bira campeon.
Ramon a representa su Isla y Equiponan di softball, futbol na Venezuela, Curacao y Bonaire. Tambe, durante carera como deportista entre otro, e ta gusta hunga softball el a hunga ademas como outfield, primera base den e team di UPA, un di e grandinan den persona di Jossy tambe.
E equipo futbol SV Roma a bay hunga na Curacao y aki tambe, Ramon tabata bao lata di goal. manera ta conoce, e gusta su futbol pa cual na varios ocacion e ta worde solicita pa forma parti di diferente equipo.
Tin cu gradici un biaha mas, e ciudadano Dito Mateo, cu a tira un bista den baul cual cu su tata Mai Mateo (q.e.p.d.) a laga atras pe cu cantidad di potret di equiponan deportivo y tambe hungadornan cu a destaca como deportista. Locual ta Futbol y tambe Softball Mai Mateo (q.e.p.d.) tabata gran fanatico, entre otro di tanto Softball y e Deporte Rey cu ta futbol, pa cual DIARIO Deportivo ta agradecido na Dito Mateo.
Riba e potret por mira e team di Riverplate na 1959. Patras por mira d.r.p.d , Jose Perez, Henny Samson, Reggie Andrews, Nata Andrews, Fabian Gnecco, Rosendo Thomas, Siek Andrews, Wiliam Andrews, Ovio Orman, Sr. Kock.
Meymey tin Calito Perez, Jossy Korsen, Steve Alexander, Dalbot Alexander y Zogo Orman.
Dilanti tin e keeper Ramon Korsen.
