Speedworld cu bo amigo Hubert ‘Furai’ Tiel, cu un raportahe for di Florida unda nos yiunan di tera ta logrando basta avance.
Durante fin di siman, tabatin caredanan di Drag na Orlando Speedway, caminda cu team Puerto Rico ta enfrentando team USA, pero adhunto tin coredornan di Aruba, entre nan Vick Werleman y Darcy Franken, presente cu nan auto ta batayando y cu orguyo ta presenta cu e bunita bandera di Aruba.
Entre e grupo grandi arubianonan cu tey presente, tambe a topa cu Burtie Kock, kende ta responsable pa cera 2 motor pa un team americano. Porcierto ya caba e auto den cual e motor Honda ta hinca aden, a logra di dal un bon tempo den 6 seconde abao.
E otro persona ta Stephan Geerman, kende tambe ta trahando ariba un otro auto, cu ta un Starlet cu motor Rotary y cu ta priminti hopi.
E coredor Vick Werleman riba Diasabra a logra di pone un tempo 7.01 seconde cu su Toyota Corolla 1.8 y mester agrega cu Vick tambe a cualifica pa e next round.
Darcy Franken cu e pickup Don Chato, riba Diasabra a logra di dal un tempo di 7.22 seconde y tambe ta pasa pa e next round. Speedworld ta desea nan tur clase di exito.
https://diario.aw/categories/noticia/deporte/speedworld-22oct2021#sigProId5f9253657f
