Durante apertura di campeonato, AVB a honra Richard Jacobs, Denchi Werleman, Andres Garcia y Ernst Mohamed

*Riverplate a gana Bubali 5-0 ----ORANJESTAD(AAN): Diabierna anochi a tuma lugar apertura di e campeonato di 2021-2022 di Arubaanse Voetbal Bond (AVB)

y den un entrevista cu DIARIO presidente di AVB Randolf Laclé a indica cu campeonato 2019-2020 mester a para prome cu a yega e final.

“Temporada di aña pasa tambe tabata dificil pa organiza un campeonato, pues nos a logra di organiza un torneo si pero den un forma adapta”.

E aña aki apesar di COVID-19 nos ta purba organiza un campeonato completo y pesey nos ta pidi tur hende pa duna di nan parti pa nos por sigui cu e campeonato, pa nos por combati e pandemia y spera cu pa otro aña nos por yega e final sin cu tin restriccion, pa asina e stadion por ta completamente yen, segun Laclé.

El a sigui bisa cu manera tur aña AVB ta honra algun persona cu a traha duro pa futbol, sea como hungador, dirigente of referee.

E aña aki AVB a honra Richard Jacobs y Denchi Werleman como hungadornan, Andres Garcia como dirigente y Ernst Mohamed como referee.

Despues di apertura oficial di e campeonato, Riverplate gana Bubali cu e score di 5-0.

Shame Stamper y Carlos Quandt a anota e golnan pa Riverplate.