SPEEDWORLD

Recientemente na e compleho deportivo nobo na Pos Abao, e dinamico organizacion di Camacuri Harley Davidson Club Aruba a tene un ceremonia special como cu nan a instala 6 miembro nobo.

   SPEEDWORLD tabata presente na momento cu a instala 5 di nan, como cu uno tabata ausente.  Camacuri Harley Davidson Club Aruba ta un organizacion cu nan ta keiro, pasa pret, pasa dushi, sin cu nan tin hopi regla severo pa impone riba e miembronan.

   Juan Camilio a wordo instala e anochi aki como miembro.  Tambe a instala e esposa Catalina Camilio cu a bira miembro.

   A sigui cu instalacion di Lindo ‘Pepe’ Croes como miembro nobo di Camacuri Harley Davidson Club Aruba.  A instala tambe su esposa, esta Liliana Croes cu a bira miembro.

   Tambe a instala Ronny ‘Boem’ Tromp como miembro un biaha mas di Camacuri.

   E organizacion a splica cu nan tin tur confianza cu Gobierno lo sa di domina Covid-19 y nan lo bay haya chens pa pronto organiza actividadnan bek manera antes.  Pasobra ya ta dos aña cu e eventonan regular di nan no por sigui mas.