Awor e ta bay prepara pa Paris 2024
ORANJESTAD (AAN): Aruba Paralympic Committee a informa di e Resultadonan di e competencianan di Elliott Loonstra den Para-Taekwondo na Tokyo, Japon.
E para-atleta Elliott Loonstra a haci un bon trabao durante e prome competencia contra Morocco unda el a perde 32-23. Despues el a competi contra e atleta di Costa Rica, cual tabata un contrincante basta fuerte. Akinan el a perde 16-3.
Ta bon pa menciona cu Elliott a logra yega na e Weganan Paralimpico den number 16 den e ranking.
APC ta sigur cu despues di e experiencia aki Elliott lo train pa bin bek mas mihor den e weganan na Paris 2024.
Esaki ta djis e comienso di e carera di Para-Taekwondo pa Elliott Loonstra.
Potretnan: facebook page Aruba Paralympic Committee
https://diario.aw/categories/noticia/deporte/para-atleta-elliott-loonstra-a-finalisa-su-participacion-na-tokyo#sigProId6146f2ada7
