SPEEDWORLD 11 AUG 2022

Speedworld cu boso amigo di semper Hubert "the Furai" Tiel. Un ambiente hopi great,

ta loke nos por a experimenta durante di e evenemento di Real 2 Real cu a tuma lugar riba pista di Palo Marga, caminda manera ya nos a menciona, tabatin show na agrado di un y tur.

   Sinembargo tin algo cu Speedworld a goza mas hopi di dje y esey tabata di por mira asina un grupo grandi di muchanan, activo pa cu e deporte aki. Entre nan esnan cu a competi den e categoria Jr. Dragster, otronan cu a fungi como line up person pa un of mas auto, Scooter y brommer y sin por laga afo, esnan cu den futuro, lo tuma over e trabao di Speedworld, Race Junkies, Nittroxx, Exotic boost y 2X motorsport, sacando potret di e participantenan.

   Esaki ta loke nos ta papia di planta simiya, pa cosecha mañan.

   Entre tur e hoben nan aki, sigur tabatin un par cu mas a hala nos atencion y ta trata aki di e yiunan di Orlando Bello, ya cu tanto e yiu muher, como e yiu homber, tabata sa di line up diferente auto cu ta pertenece na e team y teasta e line up e auto cu e tata mis ta core.

   Pero no solamente line up, sino por a wak e determinacion y contacto cu nan tabatin cu e driver y a percura cada biaha, pa e trabou ta bon hasi. Di parti di SW, un palabra di pabien na tur e hoben nan aki y na e mayornan cu ta permiti e muchanan aki, cuminsa gara experiencia, pa mañan nan ta mas miho den loke nan gusta hasi. Anyhow mensen, te cu otro siman, poder di Dios y corda bon, ariba caya ta pa core basila y ariba pista ta e lugar pa mara trot den den bom.