AVB a tene bunita recepcion pa honra seleccion nacional Girls’ U-15

ORANJESTAD (AAN): Den oranan di atardi, e celebracion a continua na Compleho Deportivo Frans Figaroa

unda tuma luga un recepcion na honor nos Seleccion Nacional Girls U15.

   Arubaanse Voetbal Bond, (AVB) a honra e logro grandi di nos Seleccion Girls U15 na Tampa Florida den e 2022 CONCACAF Girls Under 15 Championship. Un atardi sigur special pe futbolistanan rondona pa famia, amigo y invitadonan special.

   Minister Endy Croes tabata presente na e ocasion memorabel aki unda a hiba palabra pa felicita e hungadonan y e delegacion pa e tremendo trabao desplega na Tampa, Florida. E mandatario di Deporte a gradici e e hungadonan y staf tecnico cu a dedica asina hopi pa hiba e ekipo na e gran logro aki. Como tambe el a gradici e mayornan pa duna nan yiu e sosten y apoyo den nan deporte preferi.

   Pa finalisa e mandatario a felicita nan den nomber di Minister President señora Evelyn Wever- Croes y Gobierno di Aruba nos Seleccion Nacional Girls U15 cu e gran logro aki. Nos ta hopi orguyoso di boso. Masha danki pa laga Aruba su nomber briya internacionalmente.