SPEEDWORLD 03 Maart 2023

Speedworld cu boso amigo Hubert Furai Tiel.

Mensen un bon fin di siman pa cada un di bosonan y ban trankilo ariba e camindanan di Aruba, ta temporada di cuaresma y nos sa, kico tur sa pasa den cuaresma.

   Awe nos ta dedica e pagina aki di Speedworld, na e grupo nobo di Gonz Riders, cu tin como su president señora Magaly Curiel y kende hunto cu su boardmembers, a presenta e grupo aki, na tur e otro club y grupo di Biker nan di Aruba, recientemente den oranan di atardi den Checkpoint Color.

   Despues di e splicacion con a yega na e nomber, cu porcierto ta procedente di e parha Gonzalito, a duna tambe 2 actividad cu Gonz Riders ya tin ariba nan agenda pa loke ta trata 2023.

   Di parti di Speedworld, un palabra y hopi exito ta na su lugar, pa Gonz Riders y sigur na tur e biker club y group nan, cu tabata presente, durante di e rueda di prensa. And now, lets ride.

   Anyhow mi ruman, ban laga cos pa e proximo edicion di Speedworld y corda semper, cu na bo cas, tin 1 of mas cu un persona ta warda ariba bo yegada, dus comporta bo mes netchi den trafico, laga coremento duro ariba caya pa Polis, Brandweer, Ambulance y Speedworld.