Ministro Endy Croes a confirma:
ORANJESTAD (AAN): Recientemente, Minister di Enseñansa y Deporte Endy Croes a reuni cu representante di FIFA den e area di Caribe Sr. Jordan Victoire, presidente di Arubaanse Voetbal Bond (AVB) Sr. Randolf Lacle y secretaria general Señora Dyane Wiersma.
Durante e reunion a dialoga tocante un proyecto grandi cu tanto AVB, FIFA y Gobierno di Aruba como stakeholder ta sostene. Dentro di poco, 7 veld di futbol na Aruba lo haya yerbe artificial. A repasa kico ta e obligacionnan di Gobierno di Aruba pa e proyecto aki.
A base di e rekisitonan di FIFA y AVB, a haci un escogencia di e siete veldnan y a reuni cu cada un di nan caba pa cuadra loke nan tin cu haci. Ta planifica pa FIFA bin Aruba den e luna di september di e aña aki pa firma un acuerdo cu e 7 clubnan, AVB y Gobierno di Aruba, pa asina inicia cu e proyecto aki oficialmente.
DIARIO a compronde cu den e di tercer kwartaal di e aña aki, lo cuminsa mira movimento riba e veldnan aki. Un bon reunion, unda a intercambia informacion importante pa e mundo di futbol.
