Seleccion Girls U15 di Aruba a gana di team Formas Intimas di Colombia

Durante U15 Girls Invitational Tournament

ORANJESTAD (AAN): Den fin di siman cu a pasa, tabatin e kick-off di e Girls U15 Invitational Tournament, y e biaha aki e seleccion femenino U15 di Aruba tabata cla y a tuma cancha y representa e bandera local.

   E wega a tuma lugar anochi den Compleho Deportivo Guillermo Prospero Trinidad y e wega a cuminza basta bon balansa, cu cada futbolista di Aruba, y tambe di Colombia luchando pa e bala.

   Pero tabata Natiushka Kwidama cu a sa di anota e prome goal den e prome mitar di e wega, pues Halftime Aruba tabata cu score di 1-0 riba Formas Intimas.

   Den di dos mitar, e team Colombiano a bin todo-por-todo pa purba logra e goal di empate, sinembargo esaki no a logra.  Na final, e team di U15 girls di Aruba a bay cu e victoria.

   E Girls U15 Invitational Tournament ta forma parti di e FIFA Women’s Football Development Programme y di e preparacion pa e U16 Concacaf Qualifiers den 2027.  AVB ta invita publico pa asisti e partidonan y brinda nan sosten na e talento femenino hubenil.