ORANJESTAD (AAN)- Diaranzon e seleccion di Aruba North Little League Senior Division a sali pa Puerto Rico caminda ayanan nan lo participa den e Caribbean Series division Senior League.
Un team fuerte di Aruba consisti di e hobennan Aleric Kock, Christiaan Barret, Dijeandrik Wernet, Evan Gei, Gino Petrocchi, Jeanoire Jacopucci, Eden Leon, Joan Sierra, Raybel Garo, Rayshaun Werleman, Renwick Kock, Riangelo Richardson, Tai Vic Tromp, Vince Ramada, Xavier Croes y Yandel Gill, cu manager Baldrick Maduro y coachnan Alrric Kock y Shakir Arendsz a biaha yen di entusiasmo, caminda ayera ya nan a enfrenta e team di Puerto Rico A.
Pa awe mainta 11’or nan lo enfrenta e team di Puerto Rico B y pa 2.30 nan lo enfrenta USVI. Mañan Diadomingo pa 11’or mainta nan lo enfrenta Corsow. Dialuna tin weganan pre final y Diamars 29 lo tin e weganan final. DIARIO ta manda palabranan di exito na e team di Aruba.
