ARTBO tin un team di damanan pa e siguiente evento internacional

ORANJESTAD (AAN): Den fin di siman a tuma luga e Central Training "Proyecto Piloto" na Frans Figaroa bou guia di e atleta Olimpico y coach internacional Level II Monica Pimentel. 

            Central Training tabata pa solamente atletanan femenino di cadet, junior y adulto. Monica Pimentel a concentra ariba e reglamentonan nobo di bringa.

            Monica Pimentel hunto cu Stuart Smit ta trahando pa Aruba por tin un team di Damanan tambe. ARTBO y e trainers korp ta trahando duro pa e damanan por ta na e nivel internacional. Otro siman Monica Pimentel lo coach algun atleta femenino cu lo participa den e Pan Am Series II. 

            ARTBO tin varios proyecto proyecta pa 2022 y Monica Pimentel y Stuart Smit ta trahando pa Aruba ta bek den e top manera den añanan '90.